CƏMİYYƏT


Fövqəladə Hallar Nazirliyi işçilərinin həmkarlar ittifaqı Yeni il şənliyi təşkil edib

Bakı, 29 dekabr, AZƏRTAC 

Dekabrın 29-da Fövqəladə Hallar Nazirliyi (FHN) işçilərinin həmkarlar ittifaqı nazirliyin əməkdaşlarının azyaşlı uşaqları üçün “Qafqaz Baku Sahil Hotel”də (Boks Arenası) Yeni il bayramı şənliklərinə start verib. İki gün davam edəcək bayram şənlikləri gündə dörd seans olmaqla təşkil edilib.

FHN-dən AZƏRTAC-a bildiriblər ki, Şaxta baba, Qar qız və nağıl qəhrəmanlarının iştirakı ilə keçirilən şənliklər uşaqların böyük marağına səbəb olub. Peşəkar heyət tərəfindən həyata keçirilən tədbirin bədii hissəsi tamaşaçılar tərəfindən də böyük məmnuniyyət hissi ilə qarşılanıb.

Şənliklərdən sonra FHN işçilərinin həmkarlar ittifaqı üzvlərinin azyaşlı uşaqlarına ittifaq adından Yeni il bayram sovqatı paylanılıb.

Bundan başqa, nazirliyin tədbirdə iştirak etmək imkanı olmayan, Bakıdan kənarda yerləşən qurumlarında çalışan əməkdaşlarının azyaşlı uşaqları üçün FHN işçilərinin həmkarlar ittifaqı tərəfindən bayram sovqatı göndərilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.