REGİONLAR


Fövqəladə Hallar Nazirliyinin mütəxəssisləri zəlzələ bölgəsində sosial obyektlərə və evlərə baxış keçirir

Zaqatala-Qax, 7 iyun, Mustafa Dadaşov, AZƏRTAC

İyunun 5-də axşam respublikamızın şimal-qərb bölgəsində baş vermiş 6 bal gücündə zəlzələ nəticəsində dəymiş ziyanı müəyyənləşdirmək məqsədilə Fövqəladə Hallar Nazirliyinin mütəxəssisləri, həmçinin rayonların fövqəladə hallar komissiyaları və aidiyyəti qurumlar tərəfindən zərər çəkmiş ərazilərdə araşdırmalara başlanılıb.

Zaqatala və Qax rayonlarının fövqəladə hallar komissiyalarından AZƏRTAC-ın bölgə müxbirinə bildiriblər ki, araşdırmalar rayonların əksər yaşayış məntəqələrini əhatə edəcək. İlk növbədə, sosial təyinatlı obyektlərə, o cümlədən uşaq bağçaları, təhsil, səhiyyə və mədəniyyət obyektlərinə, həmçinin 2012-ci il zəlzələsində qəzalı vəziyyətə düşmüş binalara baxış keçirilir. Daha sonra vətəndaşların müraciətləri əsasında zərər dəymiş fərdi evlərə baxılacaq. Araşdırmalar başa çatdıqdan sonra təmir, bərpa və gücləndirməyə ehtiyacı olan sosial obyektlər və fərdi evlər müəyyənləşdiriləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.