SİYASƏT


Fransa Azәrbaycanlılarının Koordinasiya Şurası Ermənistanın son təxribatı ilə bağlı bəyanat yayıb

Paris, 14 iyul, AZƏRTAC

Parisdə fəaliyyət göstərən Fransa Azərbaycanlılarının Koordinasiya Şurası Ermənistan silahlı qüvvələrinin Ermənistan–Azərbaycan sərhədində törətdikləri təxribatla bağlı bəyanat yayıb.

AZƏRTAC xəbər verir ki, Fransa Azərbaycanlılarının Koordinasiya Şurası bəyanatı bu ölkənin aidiyyəti dövlət qurumlarına göndərəcəyini bildirib.

Bəyanatda Ermənistanın ölkəmizə qarşı illərdir davam edən hərbi təcavüz siyasətinin regionda sülhə, sabitliyə və inkişafa qarşı ən böyük təhdid olduğu bir daha vurğulanıb, işğalın beynəlxalq təşkilatların diqqətinə çatdırılması üçün diaspora üzvləri sosial şәbәkәlәrdә fəal olmağa və #Karabakhestl'Azerbaïdjan! #Arrêtezl'agressionarménienne hәştәqlәri ilә paylaşımlar etmәyә səslənilib.

Fransa Azәrbaycanlılarının Koordinasiya Şurası dünyadakı bütün diaspora üzvlərimizi birləşməyə və erməni riyakarlığını bütün dünyaya tanıtmağa çağırıb.

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.