İDMAN


Fransa millisi səfərdə Moldova yığmasını böyük hesabla məğlub edib

Bakı, 23 mart, Nicat Məmmədov, AZƏRTAC

Martın 22-də futbol üzrə 2020-ci il Avropa çempionatının seçmə oyunları çərçivəsindən birinci turun növbəti oyunları keçirilib.

AZƏRTAC xəbər verir ki, ikinci oyun günündə 3 qrupda 7 görüş təşkil olunub.

Günün maraq doğuran oyununda H qrupunda yer alan son dünya çempionu Fransa yığması səfərdə Moldova seçməsinin qonağı olub.

Görüş fransalıların 4:1 hesabı qələbəsi ilə başa çatıb. Dünya çempionların heyətində Antuan Qrizman (24), Rafael Varan (27), Olivye Giru(36) və Kilyan Mbappe (84) fərqləniblər. Meydan sahiblərinin təsəlli qoluna isə 89-cu dəqiqədə Vladimir Ambros imza atıb.

Günün digər böyük hesablı qələbəsi "Uembli" stadionunda qeydə alınıb. İngiltərə yığması Çexiya millisini 5:0 hesabı ilə qalib gəlib. Meydan sahiblərinin heyətində Rahim Sterlinq (24, 62, 69) və Hari Keyn (45) fərqləniblər. Qonaqların heyətində isə Tomas Kalas qarşılaşmanın 84-cü dəqiqəsində topu öz qapısına vurub.

Günün digər oyunlarında aşağıdakı nəticələr qeydə alınıb:

A qrupu

Bolqarıstan – Monteneqro - 1:1;

İngiltərə - Çexiya - 5:0.

B qrupu

Lüksemburq – Litva - 2:1;

Portuqaliya – Ukrayna - 0:0.

H qrupu

Albaniya – Türkiyə - 0:2;

Andorra – İslandiya - 0:2;

Moldova – Fransa - 1:4.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.