DÜNYA


Fransada aksiyaçılarla polis arasında qarşıdurma olub VİDEO

Paris, 6 yanvar, AZƏRTAC

Fransa Daxili İşlər Nazirliyinin məlumatına əsasən, “sarı jiletlər” aksiyasının səkkizinci mərhələsində 50 min aksiyaçı iştirak edib. Parisdəki aksiyaya 3500 insan qatılıb.

AZƏRTAC xəbər verir ki, aksiya çərçivəsində bir çox şəhərlərdə polis və aksiyaçılar arasında toqquşma olub. Paris 50-yə yaxın aksiyaçını saxlayıb. Beşi polis olmaqla 38 nəfər yaralanıb.

Aksiyaçılar bəzi nazirliklərə hücum etmək istəyiblər. Daxili işlər naziri K.Kastaner hər kəsi ölkə qanunvericiliyinə riayət etməyə çağırıb.

Sosial şəbəkələrdə aksiyaçılar 9-cu mərhələnin gələn şənbə günü təşkil olunacağını qeyd ediblər. Onlar aksiyanı Fransanın coğrafi mərkəzi hesab olunan və kökü burjuaziya sözündən olan Burj şəhərində təşkil etməyi planlaşdırırlar.

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.