DÜNYA


Fransada bələdiyyə seçkilərinin 2-ci turu iyunun 28-də keçiriləcək

Paris, 23 may, AZƏRTAC

Fransada bələdiyyə seçkilərinin 2-ci turu iyunun 28-də keçiriləcək.

AZƏRTAC xəbər verir ki, bu haqda Baş nazir Eduard Filip merlər və siyasi partiyaların rəhbərləri ilə məsləhətləşdikdən sonra məlumat verib.

Bələdiyyə seçkilərinin birinci turundan 3 ay sonra 16,5 milyon seçici seçkilərin 2-ci turunda səs verməyə çağırılıb. Birinci turda mer seçilməyən 5 min kommunada seçkilər keçiriləcək.

Bununla belə, bələdiyyə seçkilərinin 2-ci turunun keçirilməsi ilə bağlı siyasi görüşlərindən asılı olmayaraq ziddiyyətli vəziyyət yaranıb. COVID-19 epidemiyasının kəskinləşdiyi təqdirdə bu qərara yenidən baxılacağı bildirilib.

E.Filip iki həftədən sonra yenidən sanitar vəziyyətin nəzərdən keçiriləcəyini qeyd edib.

Beləliklə 1-ci turda 55 faiz seçicinin iştirak etmədiyi seçkilərin 2-ci turunun seçki kampaniyasına start verilib.

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.