DÜNYA


Fransada böhran iclası çağırılıb

Paris, 8 dekabr, AZƏRTAC 

Fransada yanacaq vergisinin artırılmasına etiraz edən aksiyaçılar prezident sarayını hədəfə alsalar da, polis onlara mane olub və gözyaşardıcı qazdan istifadə edib.

AZƏRTAC xəbər verir ki, ölkədə vəziyyətin getdikcə daha da gərginləşdiyini nəzərə alaraq baş nazir E.Filipin və daxili işlər naziri K.Kastanerin iştirakı ilə böhran iclası çağırılıb.

Paris ətrafındakı qəsəbələrdən, eləcə də ölkənin əyalətlərindən gələn aksiyaçılar paytaxt ətrafındakı dairəvi yolları bağlamağa cəhd ediblər.

Aksiyaçıların polis və texnika ilə barrikadaya alınmış küçələri keçmək cəhdlərinin qarşısı alınıb. Yelisey çölləri prospekti ətrafındakı kiçik küçələrdə aksiyaçıların polis tərəfindən mühasirəyə alınaraq saxlanılması vəziyyəti daha da gərginləşdirir. Aksiyaçılar dövlət himnini oxuyur və “Makron, istefa” şüarlarını səsləndirirlər. Ölkə prezidentinin etiraz aksiyası qarşısında susmasından narazılıq bildirilib.

Dindirilən aksiyaçıların sayı 492-yə çatıb ki, onlardan 211- i müvəqqəti saxlama məntəqələrinə yerləşdirilib.

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.