DÜNYA


Fransada epidemiyanın pik dövrü aprelin ikinci ongünlüyündən proqnozlaşdırılır

Paris, 4 aprel, AZƏRTAC

Qaranlıq tunelin sonunda işıq görürük. Mövcud hesablama metoduna görə, Böyük Şərqdə COVID-19 epidemiyasının pik dövrü aprelin 10-dan 25-dək davam edəcək.

AZƏRTAC xəbər verir ki, bu sözləri Fransanın Böyük Şərq Regional Səhiyyə Agentliyinin (ARS) direktoru Kristof Lannelonq (Christophe Lannelongue) mətbuata açıqlamasında bildirib.

Xatırladaq ki, ölkənin Böyük Şərq regionu bu günə qədər koronavirus epidemiyasının episentri hesab olunur. Bu bölgədən sonra epidemiyanın geniş yayıldığı ikinci bölgə Paris və onun ətrafı hesab olunan İl-dö-Fransdır. (İle-de-France).

Keçmiş Elzas, Şampany-Arden, Lorren regionları 2015-ci ildə birləşdirilərək Böyük Şərq regionu adlandırılıb. Strasburq, Reyms, Müluz, Metz regionun böyük şəhərləridir. Regionda 5 milyon 559 mindən çox əhali yaşayır.

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.