DÜNYA


Fransada etiraz aksiyaçıları ilə polis arasında qarşıdurma olub

Paris, 5 yanvar, AZƏRTAC

“Sarı jiletlər” etiraz aksiyasının səkkizinci aktı çərçivəsində Fransanın Paris və digər şəhərlərində polis və aksiyaçılar arasında toqquşma olub.

AZƏRTAC xəbər verir ki, Parisdə bir neçə məhəllədə, xüsusilə Sen Jermen prospektində gərgin vəziyyət yaranıb. Velosiped və motosikletlər yandırılıb.

Aksiyaçılar Yelisey çölləri prospekti istiqamətində irəliləyiblər. “Etoile” meydanı mühasirəyə alınıb. Polis aksiyaçıları dağıtmağa çalışır və onları hər tərəfdən məngənə kimi sıxır. Aksiyaçıları dağıtmaq üçün gözyaşardıcı qazdan istifadə edilib. Polisin cəhdlərinə baxmayaraq, aksiyaçılar Yelisey çöllərinə doğru irəliləyirlər.

Yanvarın 2-də və 3-də “Odoxa-Dentsu Consulting” şirkətinin “franceinfo” televiziya və radiosu “et Le Figaro” qəzeti üçün apardığı sorğunun nəticələrinə görə, əhalinin 72 faizi etiraz aksiyasının davam etməsinin lehinədir. Respondentlərin 75 faizi hökumətdən narazı olduğunu bildirib.

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.