DÜNYA


Fransada etiraz aksiyası nəticəsində saxlanılan nümayişçilərin sayı 300-ə çatıb

Paris, 2 dekabr, AZƏRTAC 

Parisdə “Sarı jilet”lərin etiraz aksiyası nəticəsində 300 nümayişçi saxlanılıb və 17-si polis əməkdaşı olmaqla, 110 nəfər yaralanıb. Yaralanan nümayişçilərdən biri ağır vəziyyətdə reanimasiyaya yerləşdirilib. Aksiya zamanı avtomobillər yandırılıb, ticarət obyektlərinin vitrinləri sındırılıb, yollar dağıdılıb.

Yelisey çölləri küçəsinə 1 milyon avrodan çox ziyan dəydiyi bildirilir. Etiraz aksiyalarına görə Paris mehmanxanaları 10 milyon itirib. Supermarket təchizatçılarına 350 milyon avro ziyan vurulub.

Dövlət “Sarı jilet” hərəkatına görə ziyan dəyən müəssisələrə 2,5 milyon avro təzminat ödəməyə razılaşıb.

Aksiyanın davam edəcəyi bildirilir.

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.