DÜNYA


Fransada koronavirusun növbəti dalğası başlayıb

Fransada koronavirusun növbəti dalğası başlayıb

Paris, 30 noyabr, AZƏRTAC

Fransada COVID-19 pandemiyası yenidən baş qaldırıb. Ölkədə gündəlik 50 mindən çox yeni yoluxma qeydə alınıb və son 24 saatda 88 nəfər bu virusun qurbanı olub.

AZƏRTAC Fransa Səhiyyə İdarəsinin məlumatına istinadla xəbər verir ki, son günlər ölkədə koronavirusa yoluxanların sayı artmaqda davam edir. Xəstəxanalarda 19 mindən çox, reanimasiya şöbələrində isə 1076 virus xəstəsi yerləşdirilib.

Son sutkada xəstəxanalara 1511, reanimasiya şöbələrinə isə 124 pasiyent daxil olub.

Fransanın Baş naziri yenidən insanları ictimai nəqliyyatda, eləcə də qapalı məkanlarda qaydalara riayət etməyə, maska taxmağa çağırıb. Bildirilib ki, virusun yayılması yenidən intensivləşir və bu - 9-cu dalğa virusun hələ tam yoxa çıxmadığından xəbər verir.

Qeyd edək ki, pandemiya başlayandan ölkədə virus qurbanlarının ümumi sayı 158 min 859 nəfərdir.

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.