DÜNYA


Fransada “sarı jiletlər” medianı səhv məlumatlar yaymaqda günahlandırırlar

Paris, 30 dekabr, AZƏRTAC

Fransada “sarı jiletlər” etiraz aksiyasının 7-ci aktı olub.

AZƏRTAC xəbər verir ki, bu şənbə etiraz aksiyaçılarının hədəfləri media olub. Medianı səhv məlumatlar yaymaqda günahlandıran aksiyaçılar Parisdə BFM televiziya kanalı binası qarşısında toplaşıb, oradan “France Televisions” və RT televiziya kanalları istiqamətində irəliləyiblər.

Axşam saatlarında aksiyaçılar yenidən Yelisey çölləri prospektinə gəliblər. Burada polis və aksiyaçılar arasında gərginlik yaşanıb. Polis gözyaşardıcı qazdan istifadə edib.

Əyalətlərdə aksiyaçılar televiziya kanallarının yerlərdəki filiallarının binası qarşısına yığışıblar.

Ölkə üzrə aksiya iştirakçılarının yerli vaxtla saat 14-ə olan ümumi sayının 12 minə çatdığı bildirilib. Parisdə dindirilən 57 aksiyaçıdan 37-si saxlanılıb.

Aksiyaçılar etirazlarını davam etdirəcəklərini bildirirlər.

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.