Fransada sığınacaq böhranı: Mer dövləti məhkəməyə verir

Paris, 5 dekabr, AZƏRTAC

Sığınacaq dövlətin məsuliyyətidir. Mövcud bələdiyyə resursları bu böyük fəlakətin, humanitar böhranın öhdəsindən gəlməyə qadir deyil.

AZƏRTAC xəbər verir ki, bu fikirləri Strasburq şəhərinin meri Jan Barsegyan küçələrdəki evsiz-eşiksiz insanlara, xüsusilə də miqrantlara sığınacaq verməkdə uğursuzluğa düçar olan Fransa dövlətinə qarşı səsləndirilib. O, buna görə dövləti məhkəməyə verəcəyini bildirib.

Mer Fransa Prezidentini ittiham edərək deyib: “Xatırladıram ki, Emmanuel Makronun hələ 2017-ci ildə verdiyi ilk vədlərdən biri həmin ilin sonunda küçələrdə heç kimin qalmayacağı idi. Beş il yarım keçməsinə baxmayaraq, açıq-aydın görünür ki, bu vədə əməl edilmir”.

Şəhla Ağalarova

AZƏRTAC-ın xüsusi müxbiri

Paris