DÜNYA


Fransada son iki ayda təbii qazın qiyməti 15 faizdən çox artıb

Paris, 28 iyul, AZƏRTAC

Fransada avqustun 1-dən əhaliyə satılan təbii qazın qiyməti yenidən 5,3 faiz artacaq.

AZƏRTAC xəbər verir ki, iyul ayında təbii qazın qiyməti 10 faiz artıb. “Yalnız mətbəxdə istehlak olunan təbii qazın qiyməti 1,6 faiz, su qızdırıcısından istifadə edənlər üçün 3,3 faiz və nəhayət evlərin qızdırılması üçün istehlak olunan təbii qazın qiyməti 5,5 faiz artacaq”, - deyə enerji tənzimləmə komissiyası məlumat verib. Bildirilib ki, iqtisadi dirçəlişə, xüsusilə də son aylarda Asiyada qaza olan tələbata görə onun qiyməti artır. Eyni zamanda, Avropada hava şəraiti yaz fəslinə qədər çox aşağı temperaturda olduğuna görə Avropa anbarlarında təbii qaza böyük tələbatın yaranması, eləcə də Şimal dənizində istismar işləri və elektrik enerjisi istehsalı üçün qaz istehlakının çoxalması təbii qazın qiymətinin artmasının əsas amillərindəndir.

Şəhla Ağalarova

AZƏRTAC-ın xüsusi müxbiri

Paris 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.