DÜNYA


Fransada son sutkada koronavirusdan 375 ölüm faktı qeydə alınıb

Strasburq, 21 aprel, AZƏRTAC

Fransada son sutkada COVID-19 epidemiyasından 375 ölüm faktı qeydə alınıb.

AZƏRTAC xəbər verir ki, bu barədə Fransa Səhiyyə İdarəsi məlumat verib. Bildirilib ki, xəstəxanalarda 31 min 86 koronavirus xəstəsi var. Reanimasiya şöbələrində 5984 ağır vəziyyətdə olan virus xəstəsi intensiv müalicə alır.

Ölkədə COVID-19 virusu əleyhinə 17 milyon 850 min sakinə peyvənd edilib. Bunlardan 12 milyon 999 min 655-nə birinci doza peyvənd vurulub.

Fransa səhiyyə naziri ölkənin bəzi şəhərlərində xəstəxanaların yenilənməsinə 100 milyon avro ayırıb. Qeyd edilib ki, tezliklə ölkənin bir neçə şəhərində də futbol meydançası vaksinodroma çevriləcək. May ayının ortalarında ölkənin karantin rejimindən çıxacağı bildirilir.

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.