DÜNYA


Fransada sosial partlayış gözlənilir

Paris, 22 noyabr, AZƏRTAC

Fransada sosial partlayışın baş verməsi ilə bağlı ehtimallar yüksəlir. Fransızların 85 faizi düşünür ki, yaxın aylarda ölkədə sosial partlayış baş verəcək. Hər 10 fransızdan 9-u isə sanitar böhranın iqtisadi və sosial nəticələrindən çox narahat olduğunu deyib.

AZƏRTAC xəbər verir ki, bu barədə Fransanın İctimai Rəy və Marketinq Tədqiqatları İnstitutunun (İFOP) “Cnews” televiziya kanalı və “Sud Radio” radiosunun sifarişi ilə apardığı sosial sorğunun nəticələrinə dair məlumatda bildirilib.

Qeyd edilib ki, respondentlərin 85 faizi yaxın aylarda ölkədə sosial partlayış olacağını gözləyir. Rəyi soruşulanların əksəriyyəti, o cümlədən “Milli Birlik”, “Yenilməz Fransa”, Sosialistlər və Respublikaçılar partiyalarının tərəfdarları sosial partlayışı real təhlükə hesab ediblər.

Sorğunun nəticələrinə görə, hakim “İrəli Respublika” partiyasına rəğbət bəsləyənlər sosial partlayışdan ən az narahat olanlardır.

Sorğuda iştirak edənlərin 90 faizi böhranın iqtisadi və sosial nəticələrindən çox narahat olduqlarını, 69 faizi isə özləri və ya ailə üzvləri artıq böhran yaşadıqlarını diqqətə çatdırıblar.

Sorğunun nəticələri xalqın hökumətə etimadının azaldığını göstərib. Respondentlərin 55 faizi hökumətə etimad etmədiyini, 61 faizi hökumətin virusa qarşı səmərəli mübarizə aparmadığını deyib.

İFOP-un sorğusunda 1007 respondent iştirak edib.

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.