DÜNYA


Fransada tətil ictimai nəqliyyatı iflic edib

Paris, 13 sentyabr, AZƏRTAC

Fransada ictimai nəqliyyat ümumi tətil keçirir. Bir gün davam edəcək tətil nəqliyyatı iflic vəziyyətinə salıb. Yerli vaxtla səhər saat 8:20-də artıq 280 kilometr uzunluğunda tıxac yaranıb.

AZƏRTAC xəbər verir ki, böhran vəziyyəti nəzərə alınaraq dünəndən valideynlərə uşaqları məktəbə deyil, parka gəzməyə aparmaq tövsiyə olunub. Metronun 10 xətti tamamilə bağlanıb.

Hökumətin elan etdiyi pensiya islahatları əleyhinə olan tətil 12 il əvvəl baş vermiş ümumi tətillə müqayisə edilir. Nəqliyyat sahəsindəki həmkarlar təşkilatları tətilə çağıraraq onlar üçün mövcud pensiya rejiminin saxlanılmasını tələb edirlər.

Xatırladaq ki, polis əməkdaşları da “milli qəzəb nümayişinə” çağırışlar edib. Yeni pensiya islahatları ölkədə qəzəblə qarşılanıb.

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.
Bölmənin digər xəbərləri