DÜNYA


Fransada ümumi tətil başlayıb

Paris, 5 fevral, AZƏRTAC

Fransada 24 saatlıq ümumi tətil başlayıb.

AZƏRTAC xəbər verir ki, tətil ölkənin 30-a qədər bölgəsini əhatə edir. Bir çox şəhərlərdə, aeroportlarda və ictimai nəqliyyat sistemində problemlər yaranıb.

Nümayişçilər əməkhaqqının artırılmasını və ədalətli vergi sisteminin qurulmasını tələb edirlər. Əyilməz Fransa Partiyası və “sarı jiletlər” etiraz aksiyaçıları da tətilə qoşulublar.

Parisdə nümayiş şəhər meriyasından başlayaraq Yelisey çölləri prospektinə qədər davam edəcək. Ölkədə 160 nümayiş nəzərdə tutulub. Sosial tələblərdən başqa, nümayişçilər “toplaşma azadlığını” da tələb edirlər. Nümayiş ölkədə “dağıdıcılara qarşı qanunun” səsə qoyulduğu günə təsadüf edir.

 

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.