DÜNYA


Fransada ümumi uzunluğu 1,1 min kilometrə çatan tıxaclar yaranıb

Bakı, 10 iyul, AZƏRTAC

Fransada şənbə günü avtomobil tıxaclarının ümumi uzunluğu 1,1 min kilometrə çatıb. Paytaxt regionunda tıxaclar 200 kilometr təşkil edir. Bu barədə Bizon Fute yol hərəkətinin monitorinq xidməti məlumat yayıb.

AZƏRTAC Franse Info radiostansiyasına istinadla xəbər verir ki, uzun tıxaclara fransızların sahilyanı regionlara tətilə yollanması ilə əlaqədar kütləvi yerdəyişməsi səbəb olub. Mütəxəssislər sürücülərə tövsiyə edirlər ki, yola saat 16:00-dan sonra, yəni hərəkət azaldıqdan sonra çıxsınlar.

Yayılan məlumatlara görə, bu şənbə 900 min fransız ölkədaxili səyahətlərə dəmiryol nəqliyyatı ilə çıxmağı planlaşdırır. Ekspertlərin fikrincə, insanların vağzallarda kütləvi toplaşması koronavirusa yoluxma hallarının artmasına səbəb ola bilər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.