MƏDƏNİYYƏT


Fransalı rejissorun çəkdiyi film “Cinefondation” film müsabiqəsində əsas mükafata layiq görülüb

Bakı, 24 may, AZƏRTAC

Fransalı rejissor Luiz Kurvuazyenin çəkdiyi “Əl ələ” (Mano a mano) filmi 72-ci Kann kinofestivalının tələbələr üçün “Cinefondation” filmləri konkursunda əsas mükafata layiq görülüb.

AZƏRTAC TASS agentliyinə istinadən xəbər verir ki, bu barədə müsabiqənin münsiflər heyətinin rəhbəri Kler Deni bildirib.

23 dəqiqəlik kinolentdə sirk akrobatları Ebbi və Lukun başlarına gələn hadisələrdən danışılır. Onlar şəhərləri dolaşaraq bir çox problemlərlə üzləşirlər.

“Cinefondation” müsabiqəsindəki ikinci mükafatı amerikalı rejissor Riçard Van “İşarə” (Hieu) filminə görə qazanıb. Film Amerika-Vyetnam ailəsinin həyatından bəhs edir.

Tələbələrin kino müsabiqəsində 3-cü yeri isə fələstinli Vizam Al Cafari (Atmosfer) və Polşa təmsilçisi Barbara Rupik (Duşeçka) bölüşüblər.

K.Deni bütün rejissorlara təşəkkürünü bildirərək onlara yaradıcılıq uğurları arzulayıb. “Biz sizin filmlərinizə baxmaqdan çox razı qaldıq. Bütün işlər çox maraqlı və layiqlidir”, - deyə K.Deni bildirib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.