SİYASƏT


Fransanın “Le Figaro” qəzeti Azərbaycan Silahlı Qüvvələrinin Qarabağdakı üstünlüyündən yazır

Paris, 27 oktyabr, AZƏRTAC

Fransanın “Le Figaro” qəzetinin Bakıya ezam olunmuş xüsusi müxbiri Emmanuel Qrınzpanın “Bakı Dağlıq Qarabağa necə daxil oldu” sərlövhəli məqaləsi dərc olunub.

AZƏRTAC xəbər verir ki, məqalədə Dağlıq Qarabağ müharibəsində Azərbaycan Silahlı Qüvvələrinin üstünlüyündən bəhs edilir.

Məqalənin müəllifi qeyd edib ki, Azərbaycanın hərbi büdcəsi Ermənistanın ümumi dövlət büdcəsindən 2 dəfə çoxdur. Bu gün Azərbaycan 1994-cü ildə itirdiyi 20 faiz torpağının intiqamını alır.

Bildirilib ki, Azərbaycanın Ermənistan ərazilərinə müdaxilə etmək niyyəti yoxdur. Ancaq Ermənistan Gorus və Qapandan Azərbaycan ərazilərini atəşə tutur. Onların məqsədi Rusiyanı müharibəyə cəlb etməkdir. Ermənistan qonşu İranla bağlı da eyni taktikaya əl atsa da, istəyinə nail ola bilməyib.

Diqqətə çatdırılıb ki, döyüşlər yalnız Azərbaycan torpaqlarında gedir. Azərbaycan yalnız hərbi obyektləri hədəfə alır.

Müəllif qeyd edir ki, Azərbaycan Ordusuna məxsus PUA-lar bu münaqişədə əsas söz sahibidir və bu ölkənin üstünlüyünü təmin edir. Döyüşlər başlayandan dərhal sonra Ermənistanın rabitə və hava hücumundan müdafiə sistemləri, o cümlədən radarları məhv edilib. Bununla da rəsmi Bakı müharibədə əhəmiyyətli üstünlük qazanıb.

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.