DÜNYA


Fransanın Yaponiyadakı səfirliyi qarşısında etiraz aksiyası keçirilib

Tokio, 31 oktyabr, AZƏRTAC

Yaponiyada yaşayan müsəlmanlar Tokiodakı Fransa səfirliyinin binası qarşısında Prezident Emmanuel Makronun sözlərinə və Məhəmməd peyğəmbərin karikaturalarına görə etiraz aksiyası keçiriblər.

AZƏRTAC xəbər verir ki, oktyabrın 30-da Fransa səfirliyinin qarşısında toplaşan təqribən 300 nəfər əllərində “Fransız məhsullarını boykot et” və “Utan, Makron!” kimi şüarlar tutublar. Aksiya iştirakçıları peyğəmbərin təhqir olunmasının onları qəzəbləndirdiyini bildirərək, bununla əlaqədar etirazlarını səfirliyin əməkdaşlarına çatdırıblar. Qeyd ediblər ki, islam dini başqa dinlərin təhqir olunmasını yolverilməz hesab edir və Fransa mətbuatı söz azadlığı barədə çərçivəni həddindən artıq aşır. Onlar başqa dinlərin nümayəndələrini həm özlərinə, həm də başqa dinlərin nümayəndələrinə hörmətlə yanaşmağa çağırıblar.

Xatırladaq ki, Fransa Prezidenti məktəblilərə peyğəmbərin karikaturasını nümayiş etdirdiyinə görə öldürülən müəllimin dəfn mərasimində söz azadlığını müdafiə edəcəyi barədə vədlərinə görə müsəlman dünyasının tənqidinə məruz qalıb.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.