Bakı, 27 aprel, AZƏRTAC

Frankofoniya Universitet Agentliyinin Fransa Beynəlxalq Radiosu ilə birgə elan etdiyi “Gənc yazarlar mükafatı” (Prix des jeunes écritures) müsabiqəsinə qeydiyyat davam edir. Bu barədə AZƏRTAC-a Azərbaycan Dillər Universitetindən məlumat verilib.

Hazırkı karantin rejiminə uyğun olaraq, bütün fransızdilli tələbələr onlayn qaydada müsabiqədə iştirak edə bilərlər.

Müsabiqədə iştirak etmək istəyən hər kəs maksimum 8000 sözdən ibarət (ara məsafələr daxil olmaqla) öz qısa hekayəsini yazmalıdır. Hekayələr mayın 17-dək www.short-edition.com saytında yerləşdirilməlidir. İştirakçıların onlayn qeydiyyatdan keçmələri mütləqdir.

Ətraflı məlumatı aşağıda qeyd edilən linkdən öyrənmək olar:

https://short-edition.com/fr/prix/jeunes-ecritures-2020