REGİONLAR


Frederik Düma: Biz Fransa Milli Assambleyasının deputatları olaraq erməni vəhşilikləri ilə bağlı UNESCO-ya məktub ünvanlayacağıq

Füzuli, 24 iyul, AZƏRTAC

Burada yandırılmış, dağıdılmış, viran qalmış yurd yerlərini görmək bizi çox təsirləndirdi. Bizə məlumat verildi ki, işğala qədər Füzuli şəhərində 20 minə qədər insan yaşayıb. Bütün şəhər tamamilə dağıdılıb, insanlar öz doğma yurd-yuvalarından didərgin salınıb. Tarixi, mədəniyyət və memarlıq nümunələri, xüsusilə də inanc yerləri, məscidlər dağıdılıb. Bu, çox təsirləndiricidir.

Bunu AZƏRTAC-a açıqlamasında Füzulidə erməni vandalizmi ilə tanış olan Fransa Milli Assambleyasının nümayəndə heyətinin üzvü Frederik Düma bildirib.

“Tarixi mədəniyyət abidələri dağıdılırsa, bu, milli irsə qarşı cinayətdir. Biz Fransa Milli Assambleyasının deputatları olaraq UNESCO-nun Baş katibliyinə məktub ünvanlayacağıq. Araşdırma missiyası gəlsin, burada tarixi, mədəniyyət abidələrinin dağıdılması ilə bağlı araşdırma aparsın və bu hadisələrə qiymət versin”, - deyə Frederik Düma vurğulayıb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.