İDMAN


Futbol üzrə Azərbaycan Premyer Liqasında XXVI tura start verilib

Bakı, 8 may, Nicat Məmmədov, AZƏRTAC

Mayın 8-də futbol üzrə Azərbaycan Premyer Liqasında XXVI tura start verilib.

AZƏRTAC xəbər verir ki, açılış oyununda "Sabah" klubu səfərdə "Səbail"lə qarşılaşıb. "ASCO Arena"dakı görüş qonaqların 2:0 hesablı qələbəsi ilə başa çatıb.

Qolları 15-ci dəqiqədə Boyan Letiç və 37-ci dəqiqədə Lukas Rangel vurublar. Bu, hər iki legionerin paytaxt klubunda ilk qolu olub. İkinci dəqiqədə "Sabah"ın yarımmüdafiəçisi Aleksey İsayev penaltidən yararlana bilməyib.

Bu qələbədən sonra xallarını 39-a çatdıran "Sabah" 4-cü pilləyə yüksəlib. On beş xalı olan "Səbail" isə "Sumqayıt"la birlikdə 7-8-ci yerləri bölüşdürür.

Qeyd edək ki, günün digər oyununda "Qarabağ" klubu "Zirə"ni qəbul edir. Tura mayın 9-da keçiriləcək "Sumqayıt" - "Şamaxı" və "Sumqayıt" - "Neftçi" matçları ilə yekun vurulacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.