İDMAN


Futbol üzrə Azərbaycan Premyer Liqasının ikinci turunun təqvimi açıqlanıb

Bakı, 28 avqust, AZƏRTAC

Avqustun 28-də futbol üzrə Azərbaycan Premyer Liqasının ikinci turunun təqvimi açıqlanıb.

AZƏRTAC Peşəkar Futbol Liqasına (PFL) istinadla xəbər verir ki, üç günü əhatə edəcək tura sentyabrın 11-də “Bakcell Arena”da keçiriləcək “Neftçi” – “Sumqayıt” oyunu ilə start veriləcək. Oyun saat 19:00-da başlayacaq. Həmin gün “ASK Arena”da baş tutacaq “Keşlə” – “Qarabağ” matçı isə saat 21:00-da start götürəcək.

Sentyabrın 12-də “ASCO Arena”da keçiriləcək “Səbail” – “Zirə” matçı saat 19:00-da başlayacaq. Turun sonuncu oyunu sentyabrın 13-də “Sabah” və “Qəbələ” komandaları arasında baş tutacaq. “Bank Respublika Arena”da təşkil olunacaq görüşdə hakimin start fiti saat 19:00-da səslənəcək.

Turun bütün görüşləri “CBC Sport” kanalı ilə birbaşa yayımlanacaq.

Bir turdan sonra turnir cədvəlinə 3 xalla “Qarabağ”, “Keşlə” və “Neftçi” klubları başçılıq edir. Bir xalı olan “Qəbələ” və “Zirə” dördüncü və beşinci yerləri bölüşürlər. Digər pillələrdə müvafiq olaraq, xalı olmayan “Səbail”, “Sabah” və “Sumqayıt” klubları qərarlaşıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.