İDMAN


Futbolçumuzun komandası Portuqaliya kuboku yarışlarının 1/8 final mərhələsinə yüksəlib

Bakı, 23 noyabr, AZƏRTAC

Futbol üzrə Portuqaliya kuboku yarışlarının 1/16 final mərhələsinin oyunları keçirilib.

AZƏRTAC xəbər verir ki, azərbaycanlı hücumçu Renat Dadaşovun formasını geyindiyi “Tondela” da bu turnirdə növbəti matçına çıxıb.

Komanda doğma meydanda “Leyksoeş”lə qarşılaşıb. Dörd qolun qeydə alındığı matç “Tondela”nın qələbəsi ilə yekunlaşıb – 3:1. Beləcə, azərbaycanlı futbolçunun komandası inamlı qələbə sayəsində 1/8 finala vəsiqə qazanıb.

R.Dadaşov da bu görüşün iştirakçısı olub. Millimizin hücumçusu 78-ci dəqiqədə meydana buraxılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.