İDMAN


Futzal üzrə Azərbaycan millisinin iki üzvü Bosniya və Herseqovina ilə oyunda iştirak etməyəcək

Bakı, 29 yanvar, AZƏRTAC

Yanvarın 29-da futzal üzrə Azərbaycan milli komandası Avropa çempionatının final mərhələsinin D qrupu çərçivəsində sonuncu oyununu keçirəcək.

AZƏRTAC xəbər verir ki, Bakı vaxtı ilə saat 18:30-da start götürəcək görüş Niderlandın paytaxtı Amsterdam şəhərindəki “Ziggo Dome” arenada baş tutacaq. Qarşılaşma İctimai Televiziya (İTV) vasitəsilə canlı yayımlanacaq.

Emin Kürdov və Xətai Bağırovun verdikləri koronavirus testlərinin nəticəsi yenidən pozitiv çıxdığı üçün onlar bugünkü matçda da iştirak etməyəcəklər və yeddi gün ərzində karantində qalacaqlar.

Həkim Fuad Səfərov və məşqçi Ağakərim Həsənovla bağlı sənədləşmə isə düzgün aparılmayıb. Nəticədə onlardan yenidən PCR test götürülüb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.