İDMAN


Futzal üzrə İkinci Liqada mükafatlar təqdim olunub

Bakı, 22 may, AZƏRTAC

Mayın 22-də futzal üzrə İkinci Liqada XXVI turun oyunları keçirilib.

AZƏRTAC Azərbaycan Futzal Federasiyasına istinadla xəbər verir ki, “Atletiko Baku”, “Timsport”, “Baku Fire-3”, “Rəvan” və “Advokat” komandaları mövsümü qələbə ilə başa vurublar.

“Borçalı” – “Bibi-Heybət” dueli isə birincilərin təyin olunan vaxtda meydana çıxmaması üzündən baş tutmayıb. “Hövsan” yarışdan kənarlaşdırıldığına görə, “Xan-Lənkəran” 3 xal qazanıb.

Turun sonuncu - “Advokat” – “İSMA Baku” oyunundan sonra isə mükafatlandırma mərasimi keçirilib.

Əvvəlcə iştirakçı komandalara təşəkkürnamələr verilib. Rəqib qapılarından 43 top keçirən “Advokat”ın hücumçusu Nurəli Əsədov mövsümün bombardiri olub. Ən yaxşı qapıçı “Baku Fire-3”ün qolkiperi Ümid Paşayev, ən yaxşı oyunçu isə “Rəvan”dan Ülvi Əliyev, ən yaxşı baş məşqçi isə “Advokat”ın çalışdırıcısı Fuad Rzayev seçilib.

“Baku Fire-3”ə bürünc, “Rəvan”a gümüş, “Advokat”a isə qızıl medal, mükafatçılara diplomlar, qalib komandaya isə kubok təqdim olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.