Füzuli rayonunda tikinti-quruculuq işləri davam etdirilir

Füzuli, 29 iyun, AZƏRTAC

Füzuli rayonunun işğaldan azad edilmiş ərazilərində tikinti, abadlıq və quruculuq işləri davam etdirilir.

AZƏRTAC-ın bölgə müxbiri xəbər verir ki, hazırda rayonun Bala Bəhmənli kəndində Rayon Mərkəzi Xəstəxanası üçün 80 çarpayılıq yeni binanın, Horadiz şəhərində Dövlət Bayrağı Meydanının ərazisində Bayraq Muzeyinin, Bala Bəhmənli kənd tam orta məktəbinin, Arayatılı, Əhmədbəyli və Mahmudlu-2 kəndlərində uşaq bağçalarının, Aşağı Yağlıvənd kəndi ərazisində barama qurutma məntəqəsinin, məcburi köçkünlər üçün Əhmədalılar kəndində 35, kərpic evlər adlanan ərazidə 95 fərdi evin tikintisi həyata keçirilir.