REGİONLAR


Füzulidə 437 hektar sahədə şəkər çuğunduru becərilir

Füzuli, 18 iyun, AZƏRTAC

Füzuli rayonunda torpaq mülkiyyətçiləri və fermerlərin becərdikləri kənd təsərrüfatı bitkilərindən biri də şəkər çuğundurudur. Vacib texniki bitki hesab edilən şəkər çuğundurundan həm şəkər istehsalı üçün, həm də heyvandarlıqda yem kimi istifadə olunur.

Rayon icra hakimiyyətindən AZƏRTAC-ın bölgə müxbirinə bildiriblər ki, bu il Füzulidə 437 hektar sahədə şəkər çuğunduru səpini həyata keçirilib. Cəbhə bölgəsinin torpaq mülkiyyətçiləri hazırda sahələrdə becərmə işləri aparırlar. Şəkər çuğunduru əkilmiş sahələr alaqdan təmizlənir, suvarılır, mineral gübrələr verilir, zərərverici və xəstəliklərə qarşı mübarizə tədbirləri görülür.

Cari ildə rayonda 20 min tondan artıq şəkər çuğunduru istehsal ediləcəyi proqnozlaşdırılır. Əldə edilən məhsul İmişli şəkər zavoduna təhvil veriləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.