İDMAN


GƏNCLƏR VƏ İDMAN NAZİRİ BEYNƏLXALQ KONFRANSDA İŞTİRAK ETMİŞDİR

AZƏRTAC Gənclər və İdman Nazirliyinin mətbuat xidmətinə istinadla xəbər verir ki, Parisdə, YUNESKO-nun iqamətgahında idmanda dopinqlə mübarizə haqqında konvensiya imzalanmışdır. Bu sənədi YUNESKO-nun üzvü olan 90 ölkədən 47-si imzalamışdır. Milli Məclis bu sənədə hələlik baxmadığına görə, Azərbaycan konvensiyaya qoşulmamışdır.
Gənclər və idman naziri Azad Rəhimov Fransaya səfəri zamanı YUNESKO-nun baş direktoru Koişiro Matsuura və onun müavini Əhməd Səyyad ilə görüşmüşdür. Söhbət zamanı YUNESKO rəhbərləri Azərbaycanın birinci xanımı, YUNESKO-nun xoşməramlı səfiri, Milli Məclisin deputatı Mehriban Əliyevanın fəaliyyətini, onun rəhbərliyi ilə həyata keçirilən humanitar xarakterli müxtəlif layihələri yüksək qiymətləndirmişlər.
A.Rəhimov Fransanın idman və gənclər naziri Jan-Fransua Lamur, ukraynalı və rusiyalı həmkarları ilə də görüşmüşdür.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.