REGİONLAR


GDU-da “Sillabusların tərtibi, təlim nəticələrinin formalaşdırılması və qiymətləndirilməsi” adlı təlim keçirilir

Gəncə, 30 iyun, Elcan Məmmədov, AZƏRTAC

Gəncə Dövlət Universiteti (GDU) ilə Təhsildə Keyfiyyət Təminatı Agentliyi arasında imzalanan əməkdaşlıq müqaviləsinə əsasən “Sillabusların tərtibi, təlim nəticələrinin formalaşdırılması və qiymətləndirilməsi” adlı təlimə start verilib.

Universitetdən AZƏRTAC-ın bölgə müxbirinə verilən məlumata görə, təlimi Agentliyin Təlim və Metodologiya şöbəsinin müdiri Asiman İlyasov və şöbənin baş məsləhətçisi Şəlalə Mahmudova keçiblər. Təlimdə Gəncə Dövlət Universitetinin Keyfiyyət Təminatı Mərkəzinin müdiri İsmayıl İsmayılov, kafedra müdirləri və 30 nəfərə yaxın professor-müəllim heyəti iştirak edib.

Təlimin əsas məqsədi Gəncə Dövlət Universitetinin akademik heyətinə sillabusların hazırlanması və təlim nəticələrinin müvafiq standartlara uyğun olaraq yazılmasına, eləcə də inzibati və akademik heyətə səmərəli daxili keyfiyyət təminatı sisteminin qurulmasına dair dəstək verməkdən ibarətdir.

Təlim iyulun 4-dək davam edəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.