İDMAN


GİMNASTLARIMIZ GÜRCÜSTANIN AÇIQ BİRİNCİLİYİNDƏ İŞTİRAK EDƏCƏKLƏR

Azərbaycanın bədii gimnastika komandası iyulun 2-4-də Tbilisidə Gürcüstanın açıq birinciliyində iştirak edəcəkdir. Komandanın tərkibinə 3 yeniyetmə gimnast – Dina Qorina (1987-ci il təvəllüdlü), Vəfa Hüseynova (1988), Alina Tryopina (1989) və azyaşlı üç gimnast - Zülfiyyə Əliyeva, Zeynəb Cavadlı və Leyla Şamilova (hamısı 1991-ci il təvəllüdlü) daxildir. Respublika Gimnastika Federasiyasının mətbuat xidmətindən AZƏRTAC-ın müxbirinə bildirmişlər ki, turnirdə iştirak etmək, xüsusilə yarış təcrübəsi qazanmaq baxımından, azyaşlı gimnaslarımız üçün faydalıdır.

Gimnastikamızın liderləri Dinara Gimatova və Anna Qurbanova isə iyulun 3-17-də Serbiya və Çernoqoriyaya, təlim-məşq toplantısına yollanacaqlar. Toplantıdan başlıca məqsəd iyulun sonlarında Bolqarıstanın Varna şəhərində keçiriləcək Dünya kubokunun mərhələ yarışlarına hazırlıqdır. Dinara Gimatova burada özünün Olimpiya proqramını da təkmilləşdirəcəkdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.