MƏDƏNİYYƏT


“Gedirəm torpağı qucaqlamağa” adlı kitab işıq üzü görüb

Bakı, 16 iyul, AZƏRTAC

Azərbaycan Yazıçılar Birliyi ilə “Ulduz” jurnalının birgə layihəsi əsasında çağdaş poeziyamızın tanınmış simalarından olan Fərqanə Mehdiyevanın “Gedirəm torpağı qucaqlamağa” adlı növbəti kitabı işıq üzü görüb.

AZƏRTAC xəbər verir ki, “Elm” nəşriyyatında çap olunan kitabın layihə rəhbəri Qulu Ağsəs, redaktoru Aləm Kəngərli, korrektoru Mətanət Kərimova, dizayneri Zahid Məmmədov, rəssamı Sehran Allahverdidir.

Qeyd edək ki, Fərqanə Mehdiyeva uzun müddət “Ulduz” jurnalının poeziya şöbəsinə rəhbərlik edib. Uzun sürən ağır xəstəlikdən sonra bu ilin may ayında dünyasını dəyişib. Vəfatından sonra qələm dostlarının Fərqanə xanıma həsr etdiyi yazılardan ibarət "Mən sizə darıxmaq öyrədəcəyəm" adlı kitab nəşr olunub. Tələbələri "Fərqanə ədəbi məclisi"ni təsis edib, şairin adını əbədiləşdiriblər. "Çəkdiklərim mənə bəsdir", "Deyirlər şirindi dünya", "Payızın yanında gözlərsən məni", "İkimiz darıxsaq ...", "Hayana gedib anam"dan sonra bu, şairin sayca altıncı kitabıdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.