CƏMİYYƏT


Gələn aydan özünüməşğulluq proqramı iştirakçılarına aktivlərin verilməsinə başlanılacaq

Bakı, 24 iyun, AZƏRTAC

Özünüməşğulluq proqramı çərçivəsində biznes-planlarının qiymətləndirilməsi mərhələsində uğur qazanan vətəndaşlara gələn aydan etibarən mal və materialların verilməsinə başlanacaq.

Əmək və Əhalinin Sosial Müdafiəsi Nazirliyinin ictimaiyyətlə əlaqələr və kommunikasiya şöbəsindən AZƏRTAC-a bildirilib ki, nazir Sahil Babayevin sözlərinə görə, növbəlilik prinsipi əsasında proqram iştirakçılarına aktivlərin verilməsi həyata keçiriləcək. Cari il ərzində 10 minə yaxın ailənin özünüməşğulluq proqramına cəlb olunması gözlənilir. Proqram çərçivəsində əlilliyi olan şəxslərə, şəhid ailələrinə, məcburi köçkün ailələrinə və digər həssas qruplara üstünlük verilir.

Özünüməşğulluq proqramının əhatə dairəsinin genişləndirilməsində Dünya Bankı ilə əməkdaşlıq həyata keçiriləcək. Bununla əlaqədar Dünya Bankı ilə aparılan müzakirələr artıq yekun mərhələdədir. Bu əməkdaşlıq gələn il proqrama cəlb olunan vətəndaşların sayının 15 minə çatdırılmasına imkan verəcək ki, onlardan da 7 min nəfərinin özünüməşğulluq proqramı çərçivəsində kiçik ailə təsərrüfatları yaratmalarına Dünya Bankı tərəfindən dəstək veriləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.