İQTİSADİYYAT


Gələn həftə Vaşinqtonda “Əsrin müqaviləsi”nə dair forum keçiriləcək

Bakı, 16 noyabr, AZƏRTAC

Noyabrın 21-də Vaşinqtonda Xəzər Siyasət Mərkəzinin təşkilatçılığı ilə “Əsrin müqaviləsi: 25 illik uğurlu fəaliyyət” adlı forum keçiriləcək.

AZƏRTAC forumun saytına istinadla xəbər verir ki, neft və qaz sənayesinin gələcəyinə dair müzakirələrin aparılacağı tədbirdə nəhəng enerji şirkətlərindən yüksək səviyyəli nümayəndələri iştirak edəcək.

Forumda Energetika naziri Pərviz Şahbazovun da iştirakı nəzərdə tutulur.

Xəzər Siyasət Mərkəzi qlobal enerji iqtisadiyyatını və qlobal enerji bazarını formalaşdıran texnologiyalar, siyasət və tədarük dəyişikliklərini araşdırmaq üçün nazir səviyyəsində nümayəndələri, iş adamlarını və rəhbər şəxsləri bir araya gətirir.

Forum Xəzər regionunun neft sektorundakı nailiyyətləri qeyd etmək və mühüm işgüzar əlaqələrin qurulması üçün ideal platforma olacaq. Tədbir ABŞ və Xəzər regionu arasında qarşılıqlı əməkdaşlıq üçün fürsətlər yadacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.