ELM VƏ TƏHSİL


Gənc alimlər mükafatlandırılıb

Bakı, 29 iyun, AZƏRTAC

İyunun 29-da Azərbaycan Milli Elmlər Akademiyası (AMEA) Rəyasət Heyətinin yeni tərkibdə ilk iclası keçirilib.

AZƏRTAC xəbər verir ki, iclasda ümummilli lider Heydər Əliyevin 95 illik yubileyi münasibətilə gənc alimlər üçün elan olunmuş müsabiqənin qalibləri mükafatlandırılıb. Qaliblərə mükafatları AMEA-nın prezidenti, akademik Akif Əlizadə təqdim edib.

Tədbirdə bildirilib ki, xalqımızın ümummilli lideri Heydər Əliyevin anadan olmasının 95 illiyi münasibətilə akademiyanın gənc alimləri üçün AMEA-nın Rəyasət Heyəti və Azərbaycan Həmkarlar İttifaqları Konfederasiyasının birgə müsabiqəsi elan olunub. Müsabiqənin keçirilməsində əsas məqsəd aktual və müasir elmi problemlərin həlli ilə bağlı tədqiqatlar aparan gənc alimlərin fəaliyyətini stimullaşdırmaq və onlara əlavə yaradıcılıq imkanları yaratmaqdır. Müsabiqədə akademiyanın 46 gənc alimi iştirak edib. Müsabiqənin nəticələrinə görə, mükafata 14 gənc alim layiq görülüb. Qaliblər Azərbaycan Həmkarlar İttifaqları Konfederasiyası tərəfindən mükafatlandırılıb.

Birinci yerə AMEA-nın akademik Yusif Məmmədəliyev adına Neft-Kimya Prosesləri İnstitutunun böyük elmi işçisi Ziyarət Paşayeva və Qafqazşünaslıq İnstitutunun aparıcı elmi işçisi Elnur Kəlbizadə, ikinci yerə Radiasiya Problemləri İnstitutunun mühəndisi Səbuhi Nuruyev və Nizami Gəncəvi adına Ədəbiyyat İnstitutunun böyük elmi işçisi Mehman Həsənov, üçüncü yerə Molekulyar Biologiya və Biotexnologiyalar İnstitutunun kiçik elmi işçisi Səmra Mirzəyeva və Şərqşünaslıq İnstitutunun elmi işçisi Ülkər Baxşiyeva layiq görülüblər.

Həvəsləndirici mükafatları isə AMEA-nın İnformasiya Texnologiyaları İnstitutunun kiçik elmi işçisi Günay İsgəndərli, Kataliz və Qeyri-Üzvi Kimya İnstitutunun elmi işçisi Elmir Babayev, Coğrafiya İnstitutunun kiçik elmi işçisi Züleyxa Eyyubova, Dendrologiya İnstitutunun kiçik elmi işçisi Nigar Məmmədova, Dilçilik İnstitutunun böyük elmi işçisi Aysel Qəribli, Elm Tarixi İnstitutunun aparıcı elmi işçisi Amal Həsənli, Mikrobiologiya İnstitutunun baş laborantı Aytən Səfərova və Naxçıvan Bölməsinin Bioresurslar İnstitutunun böyük elmi işçisi Əfruz Nəsirova alıblar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.