MƏDƏNİYYƏT


Gənc azərbaycanlı bəstəkar Rusiyada müsabiqənin qalibi olub

Bakı, 23 yanvar, AZƏRTAC 

Georgi Şaroyev adına 35 nömrəli onbirillik musiqi məktəbinin bəstəkarlıq ixtisası üzrə X sinif şagirdi Arzu Abbasova yeni uğura imza atıb. Belə ki, o, İstedadlı Uşaq və Gənclərə Dəstək Fondunun təşkilatçılığı ilə 2014-cü ilin payızında Rusiya Federasiyasının Novosibirsk şəhərində keçirilən gənc bəstəkarların 17-ci beynəlxalq müsabiqəsinə qatılmışdı. A.Abbasova müsabiqəyə fortepiano və fleyta üçün yazdığı “Nağıllar aləmində” əsərini təqdim etmişdi.

Musiqi məktəbinin direktoru Yusif Vəliyev AZƏRTAC-a bildirib ki, bu günlərdə müsabiqənin nəticələri açıqlanıb. Rusiya Federasiyası Bəstəkarlar İttifaqının üzvü, bəstəkar-ifaçıların beynəlxalq müsabiqələrinin laureatı Yekaterina Anisimovanın sədrlik etdiyi münsiflər heyətinin qərarı ilə Arzu Abbasova birinci dərəcəli diploma layiq görülərək müsabiqənin laureatı adını qazanıb.

O deyib ki, A.Abbasova bu əsəri ilk dəfə 2012-ci ildə Bəstəkarlar İttifaqında keçirilən “Azərbaycanda uşaq musiqisi: problemlər və perspektivlər” mövzusunda elmi-praktik konfransda ifa edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.