CƏMİYYƏT


Gənc əsgərlər vətənə, xalqa və dövlətə sədaqət andı içiblər

Bakı, 9 mart, AZƏRTAC

Martın 9-da Ədliyyə Nazirliyi Penitensiar Xidmətinin mühafizə alayında həqiqi hərbi xidmətə çağırılmış 149 gənc əsgərin təntənəli hərbi andiçmə mərasimi keçirilib.

Penitensiar xidmətin ictimaiyyətlə əlaqələr şöbəsindən AZƏRTAC-a bildiriblər ki, dövlət himni səsləndirildikdən sonra dövlət bayrağı hərbi marşın sədaları altında təntənəli surətdə meydana gətirilib, gənc əsgərlər vətənə, xalqa və dövlətə sədaqət andı içiblər.

Tədbirdə çıxış edən mühafizə alayının komandiri, ədliyyə polkovnik-leytenantı İlqar Müseyibov ədliyyə nazirinin müavini, Penitensiar xidmətin rəisi, ədliyyə general-leytenantı Ceyhun Həsənovun təbriklərini və tövsiyələrini gənc əsgərlərə çatdırıb.

Əsgərlər və valideynləri yaradılan şəraitə, göstərilən diqqət və qayğıya görə minnətdarlıqlarını ifadə ediblər.

Gənc əsgərlər nizam-intizamlı olacaqlarını, xidmətdə yalnız uğur qazanacaqlarını, Vətənin müstəqilliyi və torpaqlarımızın bütövlüyü uğrunda Ali Baş Komandanın əmrlərinə hazır olduqlarını bildiriblər.

Sonra şəxsi heyətin təntənəli marşla hərbi keçidi olub.

Sonda mühafizə alayının xüsusi təyinatlı dəstəsi nümunəvi çıxışlar yerinə yetirib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.