İDMAN


Gənc gimnastımız ilk dəfə Avropa çempionatının final mərhələsinə adlayıb

Bakı, 15 avqust, AZƏRTAC

Almaniyanın Münhen şəhərində idman gimnastikası üzrə Avropa çempionatına start verilib. Çempionatda əvvəlcə qadın gimnastlar mübarizəyə qoşulublar. Azərbaycanı bu yarışda Nazənin Teymurova, Duyğu Əlizadə, Milana Minakovskaya, Samirə Qəhrəmanova təmsil edib.

AZƏRTAC Azərbaycan Gimnastika Federasiyasının rəsmi saytına istinadla bildirir ki, idmançılarımızdan ən yaxşı nəticəni Nazənin Teymurova göstərib. Belə ki, gimnastımız dayaqlı tullanma üzrə hərəkətlərdə uğurla çıxış edərək Azərbaycanın gimnastika tarixində ilk dəfə olaraq qadın idman gimnastikası üzrə gənclər yaş kateqoriyasında finala vəsiqə qazanıb.

Nazənin bununla, həmçinin adıçəkilən idman növü üzrə Avropa çempionatının final mərhələsinə adlayan ilk azərbaycanlı gimnast kimi adını tarixə yazdırıb. Final mərhələsinin yekununa əsasən, idmançımız qitə çempionatını 5-ci pillədə başa vurub.

Qeyd edək ki, böyüklərdən ibarət yığma komandamızın üzvləri Milana Minakovskaya və Samirə Qəhrəmanova avqustun 17-18-də V İslam Həmrəyliyi Oyunlarında mübarizə aparacaqlar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.