“Gənc liderlər üçün yay universiteti” üçün qeydiyyat başlayıb

Bakı, 28 iyun, AZƏRTAC

“Gənc liderlər üçün yay universiteti” adlı layihə keçiriləcək.

“Davam” Gənclər Hərəkatından AZƏRTAC-a bildiriblər ki, Azərbaycan Gənclər Fondunun dəstəyi, “Davam” Gənclər Hərəkatının təşkilatçılığı ilə Naftalan şəhərində qeyri-formal təhsil metodikası ilə keçiriləcək “Gənc liderlər üçün yay universiteti” üçün qeydiyyat başlayıb.

Tədbirdə əyləncəli oyunlar, rəngarəng konsert proqramı, bir-birindən maraqlı təlim və müzakirələr gəncləri gözləyir.

Qeydiyyatdan keçmək üçün https://bit.ly/3HTUOrV  linkdən istifadə etmək lazımdır.

Qeydiyyat üçün son müraciət tarixi iyulun 3-də saat 23:00-da bitir.

Qeyd olunub ki, ötən il keçirilən Yay və Qış Universitetinin gənc liderləri cari ilin Yay Universitetində iştirak edə bilməzlər.