MƏDƏNİYYƏT


Gənc pianoçumuz Nərmin Nəcəflinin Berlində solo konserti olub VİDEO

Berlin, 14 sentyabr, AZƏRTAC

Berlində Kulturstiftung Schloss Britz sarayında 24 yaşlı azərbaycanlı pianoçu, beynəlxalq müsabiqələr laureatı Nərmin Nəcəflinin konserti keçirilib.

AZƏRTAC xəbər verir ki, bu, gənc pianoçunun üçüncü solo konserti idi.

Qeyd edək ki, konsert Berlində pandemiya dövründə tamaşaçıların iştirakı ilə keçirilən ilk solo konsert olub. Doxsan dəqiqəlik proqramı pianoçu fasiləsiz ifa edib.

Böyük uğurla keçən konsertdə səfirliyimizin əməkdaşları və diasporumuzun nümayəndələri də iştirak ediblər.

Nərmin Nəcəfli Azərbaycanı xaricdə 8 yaşından təmsil edir. İndiyə qədər ABŞ, Almaniya, Belçika, İngiltərə, İtaliya, Fransa, Polşa, İsveçrə, Hollandiya, Estoniya, Litva, Rusiya və Gürcüstanda keçirilən beynəlxalq müsabiqə və festivallarda, konsertlərdə ölkəmizi uğurla təmsil edib.

"Mən hər dəfə xarici ölkə səhnəsində Azərbaycanı təmsil etməkdən qürur duyuram. Çünki mənim ən böyük arzum Azərbaycanı dünya miqyasında şərəflə təmsil etməkdir”, - deyə gənc ifaçı bildirib.

Vüqar Seyidov

AZƏRTACın xüsusi müxbiri

Berlin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.