İDMAN


Gənc qılıncoynadanlarımız dünya kubokunun mərhələ yarışında güclərini sınayıblar

Bakı, 16 dekabr, AZƏRTAC

Gənc kişi şpaqaçılarımız Yunanıstanın İraklion şəhərində keçirilən dünya kubokunun mərhələ yarışında iştirak ediblər.

AZƏRTAC xəbər verir ki, qrup mərhələsini 3 qələbə ilə başa vuran millimizin üzvü Ruslan Həsənov pley-off mərhələsinin ilk görüşündə rumıniyalı David Statieyə 15:10 hesabı ilə qalib gəlib. İdmançımız 1/64 finalda Rusiya təmsilçisi Mixail Sprinə 11:12 hesabı ilə uduzub.

Qrup mərhələsində 4 qələbə qazanan Xalid Əliyev isə 1/64 finalda polşalı Jan Soça 11:15 hesabı ilə məğlub olub.

Barat Quliyev qrupu 3 qələbə ilə bitirərək pley-off mərhələsinə adlayıb. Bu mərhələdə təmsilçimiz Yaponiya şpaqaçısı İnoue Taktomi ilə bacarmayıb - 12:15.

Şpaqaçılarımız komanda yarışında Avstriyaya 35:45 hesabı ilə uduzublar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.