ELM VƏ TƏHSİL


Gənc yazarın ilk kitabı çapdan çıxıb

Bakı, 29 may, AZƏRTAC

Azərbaycan Dillər Universiteti Tələbə Həmkarlar İttifaqı Komitəsinin maliyyə dəstəyi ilə universitetin Filologiya fakültəsinin IV kurs tələbəsi Səddam Laçının “Sən”in tərifi” adlı şeirlər kitabı çap olunub.

Bu barədə AZƏRTAC-a açıqlamasında ADU THİK sədri Şahin Sərdarlı məlumat verib.

Bildirilib ki, kitabın “Ön söz”ünün müəllifi Azərbaycan Yazıçılar Birliyinin katibi Rəşad Məciddir.

ADU-nun ən fəal tələbələrindən olan Səddam Laçın universitetdə fəaliyyət göstərən “Yazarlar klubu”nun sədridir. O, ötən il universitetdə keçirilən "Bir günlük xəlifə" layihəsi çərçivəsində rektor vəzifəsini uğurla icra edib. Səddam Laçın imzası ilə şeir və yazıları mətbuatda silsilə şəkildə dərc edilir.

Məlumatda qeyd edilib ki, ADU THİK bundan sonrakı fəaliyyəti dövründə də yaradıcı tələbələrə də dəstəyini əsirgəməyəcək.

Qeyd edək ki, “Sən”in tərifi" adlı şeirlər toplusu müəllifin ilk nəşr olunan kitabıdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.