Gəncə Avtomobil Zavodunun Türkiyədə tikdiyi “Belarus” traktorlarının istehsalı zavodunun 2 korpusu inşa olunur

Ankara, 26 aprel, AZƏRTAC

“Gəncə Avtomobil Zavodu” İstehsalat Birliyi tərəfindən Türkiyənin Kırıkkale bölgəsində inşa edilən “Belarus” markalı traktor istehsalı zavodunun daha iki korpusu yaxın 3 ayda istifadəyə veriləcək.

Bu barədə AZƏRTAC-a Azərbaycan-Türkiyə İstehsalat Birliyi (ATÜB) LTD şirkətinin direktoru Kənan Ece deyib.

O bildirib ki, Türkiyədə bu zavodun istehsalı olan traktorlara böyük maraq var: “Azərbaycan və Türkiyənin maşınqayırma sahəsində böyük mühəndis potensialı var. Bu intellektual gücün sayəsində zavoddakı istehsal prosesində əsaslı yeniliklər etməyi planlaşdırırıq. Yaxın 2 il ərzində bu zavodda yığılan traktorların ehtiyat hissələrinin ən azı 35 faizini Türkiyədə hazırlamaq əsas hədəflərimizdəndir”.

Sabir Şahtaxtı

AZƏRTAC-ın xüsusi müxbiri

Ankara