REGİONLAR


Gəncə Uşaq Evinin məzunu Günay Vəliyevanın toy mərasimi keçirilib

Bakı, 16 yanvar, AZƏRTAC

11 yaşından Gəncə Uşaq Evində böyüyən Günay Vəliyeva gəlin köçüb.

AZƏRTAC xəbər verir ki, toy mərasimi Gəncə Şəhər İcra Hakimiyyətinin dəstəyi, “Sahibkar Qadınlar” İB və “Gəncə İş Adamları” İB-in təşkilatçılığı ilə reallaşıb.

Günay Vəliyeva şadlıq sarayına Gəncə Uşaq Evindən yola salınıb. O, Şəmkir rayon sakini Tural Vəliyevlə ailə həyatı qurub.

Toy mərasimində Gəncə Şəhər İcra Hakimiyyətinin başçısı Niyazi Bayramov, Türkiyənin Gəncədəki baş konsulu Zeki Öztürk, Əməkdar incəsənət xadimi Fəxriyyə Xələfova və şəhər ictimaiyyətinin nümayəndələri iştirak ediblər.

Gənc cütlüyə ən xoş arzularını çatdıran Niyazi Bayramov, onlara toy hədiyyəsi təqdim edib.

Qeyd edək ki, Günay Vəliyeva Samux rayonunda dövlət tərəfindən birotaqlı evlə təmin edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.