CƏMİYYƏT


Gəncə şəhər sakinində narkotik maddə aşkarlanıb

Bakı, 20 fevral, AZƏRTAC

Gəncə Şəhər Baş Polis İdarəsinin Kəpəz Rayon Polis İdarəsi əməkdaşlarının daxil olan məlumat əsasında keçirdikləri əməliyyat-axtarış tədbirləri nəticəsində narkotik maddələrin qanunsuz əldə edib saxlamaqda şübhəli bilinən şəhər sakini Şükür Vəliyev saxlanılıb.

Daxili İşlər Nazirliyinin mətbuat xidmətinin Gəncə regional qrupundan AZƏRTAC-a bildiriblər ki, polis idarəsində onun üzərində axtarış aparılan zaman kağız bükülüdə 7,85 qram heroin aşkar edilərək götürülüb.

Davam etdirilən istintaq-əməliyyat tədbirləri nəticəsində Ş.Vəliyevin şəhər ərazisindəki mənzilinə baxış keçirilib. Mənzilin zirzəmisindən sellofan torbada 130,78 qram heroin aşkarlanıb.

Faktla bağlı Gəncə Şəhər Baş Polis İdarəsinin istintaq və təhqiqat idarəsində araşdırmalar davam etdirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.