REGİONLAR


Gəncədə Autizm Reabilitasiya Mərkəzi fəaliyyətə başlayıb

Gəncə, 5 iyun, Rauf Hacıyev, AZƏRTAC

Gəncə şəhəri Gənclər Evində Autizm Reabilitasiya Mərkəzi fəaliyyətə başlayıb.

Gənclər Evinin direktoru Amil Qurbanov AZƏRTAC-ın bölgə müxbirinə bildirib ki, Autizm Reabilitasiya Mərkəzinin fəaliyyətində əsas məqsəd autizm sindromundan əziyyət çəkən gənc və uşaqların reabilitasiyasını təmin etməkdir.

Qeyd edilib ki, mərkəzin xidmətlərindən autizm sindromundan əziyyət çəkənlərlə yanaşı, daun, uşaq serebal iflici və xüsusi qayğıya ehtiyacı olan uşaq və gənclər də yararlana bilərlər.

Mərkəzdə təlim alan uşaqlara müxtəlif idman növləri (velosiped, üzgüçülük, stolüstü tennis, yüngül atletika və sair) öyrədilir. Bununla yanaşı uşaqlara loqaped, psixoloq, psixopedaqoqlar vasitəsilə təlimlər və dərslər keçilir. Autizm Reabilitasiya Mərkəzində təlim alan uşaqlar üçün idmanın müxtəlif növləri üzrə yarışlar da təşkil olunur. Həmçinin mərkəzdə təlim alan uşaqlara ictimai reabilitasiya və sosiallaşma proqramı çərçivəsində təlimlər keçirilir.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.