CƏBHƏ XƏBƏRLƏRİ


Gəncədə Ermənistan ordusunun törətdiyi terror nəticəsində zərərçəkmiş ailələrlə görüş olub VİDEO

Gəncə, 19 oktyabr, M.Əlioğlu, foto İ.Cəfərov, AZƏRTAC

Oktyabrın 19-da Gəncə Şəhər İcra Hakimiyyətinin başçısı Niyazi Bayramov və Türkiyənin Gəncədəki baş konsulu Zəki Öztürk ermənilərin Gəncəyə dinc sakinlərin yaşadığı məntəqələrə atdığı raket zərbələri nəticəsində evləri dağılmış və müvəqqəti olaraq yataqxanada məskunlaşmış sakinlərlə görüşüblər.

AZƏRTAC-ın bölgəyə ezam olunmuş müxbiri xəbər verir ki, görüşdə şəhər icra hakimiyyətinin başçısı zərərçəkən sakinlərin problemləri ilə maraqlanıb.

Bildirib ki, Prezident İlham Əliyev və Azərbaycan Respublikasının Birinci vitse-prezidenti Mehriban Əliyeva tərəfindən bütün zərərçəkmişlərə yardımlar edilir. Dövlətimiz tərəfindən onlara bütün lazımi köməkliklər göstərilir, qayğı və problemləri ilə maraqlanılır. Zərərçəkmişlərə kirayədə qalmaları və gündəlik qayğılarını qarşılamaq üçün maddi yardımlar edilir.

Ermənistanın mülki vətəndaşların yaşayış məntəqələrinə endirdiyi raket zərbələrini qınadığını deyən Zəki Öztürk bildirib ki, Azərbaycan dövləti həmişə öz vətəndaşlarının yanındadır. Biz də Türkiyə olaraq zərərçəkmişlərə yardım göstərməkdə davam edəcəyik.

Sonra Gəncə Şəhər İcra Hakimiyyətinin başçısı Niyazi Bayramov və Türkiyənin Gəncədəki baş konsulu Zəki Öztürk sakinlərlə birlikdə şam yeməyi yeyiblər, uşaqlara hədiyyələr verilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.